Helium Vola – Selig

Saelic, saelic si diu wunne,
saelic si des wunnebernden meien zit,
saelic si der vogel singen,
saelic si diu ouwe, saelic si der walt!
man siht bluomen manicvalt
durch daz grüene gras uf dringen,
mer dann ich erdenken kunne
tanzen springen suln die jungen widerstrit.

Saelic, saelic si diu wunne,
saelic si des wunnebernden meien zit,
saelic si der vogel singen,
saelic si diu ouwe, saelic si der walt!

Wol dir, wol dir, wibes güete!
wol dir, daz du saelic iemer müezest sin!
wol dir, du kanst truren swachen,
swa diu Minne ein sendez herze hat verwunt
din vil rosevarwer munt,
so der lieplich wolde lachen,
sam der rose in touwen blütee
fröide machen kan din spilnder ougen schin.

Saelic, saelic si diu wunne,
saelic si des wunnebernden meien zit,
saelic si der vogel singen,
saelic si diu ouwe, saelic si der walt!

Frouwe frouwe, saelic frouwe,
herzen trut, ir sit mir liep für elliu wip:
des ich selten han genozzen:
da von ich niht mere fürbaz singen wil
ez duht iuch vil gar ein spil
iuch hat dicke min verdrozzen:
des ich mich vil truric schouwe
von beslozzen ist mir fröide und iuwer lip

Saelic, saelic si diu wunne,
saelic si des wunnebernden meien zit,
saelic si der vogel singen,
saelic si diu ouwe, saelic si der walt!

Wafen, wafen über die Minne!
wafen wil ich über si schrien iemer me.
ich was ir da her gebunden:
nu lat sie mich trurecliche von ir gan
sie hat übel an mir getan
sie muoz einem andern wunden
herze muot und al die sinne
wol befunden han ich daz si tuot so we